"ОҚУҒА ҚҰШТАР МЕКТЕП" ЖАЛҒАСЫН ТАБУДА

     "Оқуға құштар мектеп" жобасы аясында қазақ тілі пәні мұғалімі Н.Шанетованың ұйымдастыруымен 8«В» -сыныбының оқушылары Әренжан Аяна және Оңласын Айнұрлар Бауыржан Момышұлының «Ұшқан ұя» повестін оқып оқушылармен бірге талқылады. ХХ ғасырдың басындағы халқымыздың этнографиялық энциклопедиясы іспетті аса құнды, қазақ руханиятының қазынасы екендігі шығарманы талдау барысында айтылды. Оқушылар шығарманың тақырыбы мен идеясын ашып, кейіпкер бейнесін, өмір құндылықтары, ата-ананың қадірін білу, шығармадан алған әсерлері туралы өз ойларын еркін жеткізе білді. Бүгінгі шараның басты мақсаты, оқушылардың кітап оқуға қызығушылықтарын арттыру, отбасындағы қағидалар туралы ой қозғау арқылы мейірімділіке, қамқорлыққа тәрбиелеу, ұлттық дәстүрімізге бала көзқарасын қалыптастыру , шығармадағы құндылықтарды өмірде іс жүзінде асыра білу.