«Педагог мамандардың зерттеушілік мәдениетін қалыптастырудың іс-тәжірибелік үлгісі»

    25 қараша 2022 ж. күні мектебімізде «Педагог мамандардың зерттеушілік мәдениетін қалыптастырудың іс-тәжірибелік үлгісі» тақырыбында оқыта үйрету семинары өтті. Семинарға саналы ғұмырын ұрпақ тәрбиелеу ісіне арнаған ұлағатты ұстаз, Шымкент Жоғары Педагогикалық колледж директорының орынбасары, ғылыми – әдістемелік бөлім меңгерушісі қызметін атқарған, көптеген әдістемелік құралдардың, жинақтардың авторы, бүгінгі таңда «Өркениет» ақпараттық-әдістемелік орталығының басшысы – Коздибаева Абила Коздибаевна келіп, дәріс оқыды. Ол өз дәрісінде жалпы білім беретін пәндер бойынша республикалық ғылыми жобалар конкурстары және өткізу қағидалары жайында түсінік беріп, ғылыми жоба жұмыстарын жүргізудің қыр-сырымен бөлісті. Өзі жеткен жетістіктерін көрсете отырып, мұғалімдерге  өзекті тақырып таңдау, жоба жазу, оқушыға қалай бағыт-бағдар беру керектігі туралы мәліметтер айтты. Оқыта үйрету семинары кенеулі ойларды ортаға салып, оқытудың озық тәжірибелерін айқындайтын, тәжірибе алмасатын алаң болды.