10«Б» сынып жетекшісі Н.Шанетова  оқушыларымен «Тәуелсіздік - тұғырым, Қазақстан - жүрегім» тақырыбында тәрбие сағатын өткізді. Мақсаты, оқушыларды Отанды сүюге, құрметтеп қастерлеуге, өз елін, тегін тарихын білуге тәрбиелеу.  Оқушыларға патриоттық, эстетикалық, адамгершілік тәрбие беру, өз ой-пікірін білдіре алатын оқушыларды  тәрбиелеу.

   Бастауыш сынып мұғалімдері 2«Ә» сынып жетекшісі  Л.Т.Орынбаева, 1«Г» сынып жетекшісі М.Жанысбекқызы, 1«Д» сынып жетекшісі Г.Оңалбаева оқушыларымен  "Тәуелсіздік-тұғырым" тақырыбында сынып сағатын өткізді. Тәуелсіздік белестері, Желтоқсан оқиғасы туралы мағлұмат бере отырып,  Тәуелсіздік ата-бабаларымыздың сан мың жылдан бергі асыл арманы екендігі туралы айтылды. Оқушылар 16 желтоқсанға арналған өлең, тақпақтар айтты. Оқушыларды патриоттыққа, отансүйгіштікке баулыды.

    Ағылшын тілі және математика пәні бірлестігінің мұғалімдері арасында "Б.П Бүгінгі заманның құндылығы неде?" тақырыбында АПФ форматында мектепішілік дебат өткізілді. Дебат нәтижесінде парламент фракциясы математика пәні бірлестігінің мұғалімдері лидер Сағынбекова Гүлназ және спикері Құдиярова Гүлжанат өздерінің сөз шеберліктерін және ой ұшқырлықтарын көрсете білді.

   5"Д" сынып жетекшісі Н.Серкебаева "Тәуелсіздік тірегім, Қазақстан жүрегім" тақырыбында тәрбие сағатын өтті. Мақсаты: оқушылардың өткен тарихымызға деген ұлттық көзқарастарын қалыптастыру, елін, Отанын сүюге және егемен елімізді сақтауға, оны гүлдендіруге күш қуаты мол жастарды тәрбиелеу. 

     Мектеп педагог-психологы К.Б.Жолдас 10 «Б» сынып оқушыларымен  «Мамандықты дұрыс таңдай білейік» тақырыбында тренинг өтті. Тренинг мақсаты: оқушыларға мамандықтың түрлері, олардың адам өміріндегі маңызы туралы түсінік бере отырып, өз бейіміне сәйкес мамандық таңдай білуіне ықпал жасау, кәсіби бағдар беру.

   Оқушыларды елін, Отанын сүюге егемен елімізді сақтауға және оны гүлдендіруге құштар патриоттық күш – қуаты мол жастарды тәрбиелеу мақсатында 9 «Г» сынып жетекшісі Т.О.Абдрашова сыныбында «Тәуелсіздік - тұғырым, Қазақстан-жүрегім» атты тәрбие сағатын өтті. Тәрбие сағатында оқушылар өткен тарихымызға деген ұлттық көзқарастарын қалыптастырып,  желтоқсанда мерт болған қазақ қыздары мен жігіттерінің рухына, ерлігіне деген тағзым көрсетті.

    Оқушылардың Отанға, мемлекетке деген сүйіспеншіліктерін арттыру мақсатында 2 "В" сынып жетекшісі М.Қилыбаева, ата-анасы Шерхан Еркеғалимен біріге отырып, "Тәуелсіздік-тұғырым" атты тәрбие сағатын өтті. Тәрбие сағатында оқушыларға тәуелсіздік туралы толық мағлұмат беріліп, тәуелсіздік оңай жолмен келмегендігі туралы мәлімет беріп, видео слайдтар көрсетіліп, сұрақ-жауап жүргізіліп, тақпақтар айтылды.

     Білектей арқасында өрген бұрым, Шолпысы сылдыр қағып, жүрсе ақырын... деп Абай атамыз жырлаған, қыз баланың биязылығы мен сымбатының көрінісі болған қолаң шашты бұрымды қыздарымыздың «Ару еркем—бұрымыңмен көркем» атты мектепішілік байқауда қос бұрымымен ерекше көзге түскен №68 жалпы орта білім беретін мектебінің 11«А» сынып оқушысы Бибінұр Қанат 1-орын, 9«Г» сынып оқушысы Мерей Төледияр 2-орын, 9«А» сынып оқушысы Ұлжалғас Пердебек 3-орын иеленіп, мадақтамамен марапатталды.

  9 "А" сынып жетекшісі Ғ.Абдусаметова оқушыларымен бірге "Тәуелсіздік-тірегім, Қазақстан-жүрегім" атты тәрбие сағатын өтті. Сабақ барысында оқушылар тәуелсіздікке жету жолдары, Қазақстанның жеткен жетістігі туралы видео көріп, өлеңдер оқып, сұрақтарға жауап беру арқылы пікірлерімен бөлісті.

   Мектеп психологы Г.М.Шынтаева  8 «Б» сынып оқушыларымен "Қарым-қатынасты жақсарту" тақырыбында тренинг жүргізді. Тренингтің мақсаты,  айналасындағы адамдармен, қоршаған ортамен қарым-қатынас дағдыларын дамыту. Өзгелермен қарым-қатынас барысында қайталанбас тұлға ретінде қалыптасып,  өзімен де басқамен де жарасымды өмір сүре алатындай тұлға ретінде қалыптастыру.