"ОҚУҒА ҚҰШТАР МЕКТЕП" ЖАЛҒАСЫН ТАБУДА

   «Оқуға құштар мектеп» жобасы аясында мектеп қабырғаларында ілінген көрнекіліктердегі нақыл сөздер мен даналық ойлардың  мағынасын ашу, оқушы бойына рухани байлық пен ұлттық құндылықтарды сіңіру мақсатында ұйымдастырылған «Даналық ойдан дән ізде» байқауы өткізілді. Байқауда бас жүлде І орынға (гироскутер) ІІ орынға (самокат), ІІІ орынға (ролики) жарияланған болатын. Байқауға белсене қатысып, терең білімі мен озық ойлы ізденісі арқылы жоғары деңгейде нәтиже көрсеткені үшін Бас жүлде І орын 6 «Ә» сынып оқушысы Ағабек Нұртілеу, ІІ орын 10«Б» сынып оқушысы Маткулов Біржан, ІІI орын 10 «А» сынып оқушысы Пернебай Аида иеленді. Ынталандыру номинацияларымен Ғалым Марғұлан, Жаппар Мерей, Төребек Жұлдызай, Қалдыбай Мұнар, Оңалбаева Қымбат тб оқушыларға және жүлделі орын иеленген оқушылардың ата аналарына да алғыс хаттар табысталды.