21
сәуір
2025
ЕР ЕСІМІ ЕЛ ЕСІНДЕ!
№68 жалпы орта білім беретін мектебінің 5, 6, 7 сыныптарымен Ұлы жеңістің 80 жылдығына орай «Ер есімі – ел есінде!» тақырыбында тәрбие сағаттары өтілді. Тәрбие сағаты басталмай тұрып, оқушылар бір минуттық үнсіздік жариялап, жеңіс жолында құрбан болған аталарымызды, ағаларымызды еске алып, оларға құрмет көрсетілді. Ашық тәрбие сағатында оқушыларға соғыстың қалай, қашан басталғаны туралы, сонымен қатар, жеңіс жолында қасық қанын қиған ата- бабаларымыздың ерліктері айтылды. Балалар өздерінің соғысқа қатысқан аталары туралы ата- аналарынан естіген естеліктерімен бөлісті. Қан майданда от кешкен туысқандарының ерліктерін жарыса айтты. Сонымен қатар, сұрақтар қойылып, балалар жауап беріп, ЖЕҢІС ТУЫ тігілген уақытқа қалай жеткендігіміз туралы ой бөлісті.
