Жас ақындардың шығармашылық кеші өткізілді 30.04.2025 ж. №68 ЖОББМ орта мектебінде поэзия кеші өтті

   Бүгін №68 жалпы орта білім беретін мектебінде «Біртұтас тәрбие бағдарламасын» іске асыру аясында, «Шабыт» жобасы негізінде «Сыйынар ем – ана деген тәңірге» атты поэзия кеші ұйымдастырылды.
Шараны «Шабыт» шығармашылық тобының мүшесі, орыс тілі мен әдебиеті пәнінің мұғалімі Сабырбекқызы Ғалия өткізді. Поэзия кешіне 4–7 сынып оқушылары қатысып, жас ақындар өз жүректерінен шыққан шығармаларын мәнерлеп оқыды.
Іс-шараның мақсаты — оқушылардың бойына ананы құрметтеу, мейірімділік, ізеттілік, адамгершілік сияқты құндылықтарды сіңіру, анаға деген шексіз сүйіспеншілікті поэзия тілімен жеткізу, сонымен қатар көркем сөйлеу мәдениетін дамыту.
 Шара барысында оқушылардың өз туындылары тыңдалып, көрермендерге ерекше әсер сыйлады.